الألياف البيضاء و الحمراء في العضلات

بجسم الإنسان كل عضلة فيها نسبة من الألياف البطيئة (الحمراء) و نسبة من السريعة (البيضاء)
الفرق بيناتون إنو السريعة بدها أوزان ثقيلة وعدات قليلة لحتى تستجيب بالنمو العضلي
و البطيئة بدها أوزان خفيفة (مو كتير خفيفة بس لا تعد ثقيلة) و عدات كتيرة لحتى تستجيب

لذلك أثناء تدريب أي عضلة و إذا معتمد الأوزان الثقيلة ببرنامجك، يفضل تعمل بالأسبوع مرة عدات كتيرة بدل الأوزان الثقيلة لحتى تشغل كل شي أو بدك تكتشف الألياف البطيئة و السريعة بجسمك و تمرنها حسب طبيعتها.

بس المشكلة كل إنسان مختلف عن التاني، لذلك في حال كان عندك ضعف بعضلة ممكن تكون أليافها البطيئة هي الغالبة و عم تدربها بأوزان ثقيلة فما رح تستجيب و ممكن تكون السريعة غالبة و عم تدربها بأوزان خفيفة فما رح تستجيب

شو الحل طيب؟

بكل عضلة خود 80% من أقصى وزن ممكن ترفعو فيها و جرب تعد

إذا حسنت تعد من 4-7 عدات معناها أغلب أليافها سريعة، السبب أن الألياف السريعة قوية و لكن ليس لديها قوة تحمل

إذا حسنت تعد 10 عدات معناها العضلة تحوي على خليط متناغم من الألياف

و إذا حسنت تعد فيها 12-15 معناها أغلب أليافها بطيئة، هذه الألياف ليست قوية و لكن لديها قوة تحمل عالية لذلك لا ينفع معها الوزن إنما العدات

طبعاً إختلافك عن باقي البشر شي بسيط مو شاسع و في شي مشترك أكيد.

#كروب_بناء_الأجسام_السوري